بسلة من غير جزر

تعرفي يعني إيه بظر؟ طب تعرفي مكانه؟ طب وظيفته؟ أسئلة تبان ساذجة، صح؟ تخيلي أن ستات كتير مننا متعرفش إجابة الأسئلة دي؟ بس إحنا كستات مقصرناش، المعلومات عن الجهاز التناسلي دايماً ناقصة من أيام حصة الأحياء في تالتة إعدادي.

الستات والسبعات

"السبعات" أو "السبعة ونص" مصطلحات دارجة في مصر بتعبر عن ممارسة العادة السرية عند الستات، بالرغم ان ستات كتير متعرفش المصطلحات دي من الأساس.